Haldin var Reykjavík Winner sýning á Víðistaðatúni helgina 8. – 9. júní 2024.  
Tólf  hundar voru skráðir en tveir mættu ekki

BOB: Melahofs Karri með norðurlandastig og RW24.  Hann var í 1. sæti í tegundarhópi 7

BOS: Eðal Óskadís með norðurlandastig og RW24.

Eðal ræktun var með ræktunarhóp og var valin í topp 6 og fékk heiðursverðlaun

Fengu allir hundar Excellent

Dómari var Paul Lawless frá Írlandi
​

Haldin var deildarsýning fyrir tegundarhóp 7,  þann 19. maí 2024 og hafði ekki verið haldin deildarsýning í 18 ár svo það var kominn tími á það. 
Níu hundar voru skráðir og einn mætti ekki.

BOB: Eðal Óskar

BOS: Caemgen‘s Jump For Joy

Fengu allir hundar Excellent

​Dómari var Catherine Collins frá Írlandi

​

Ársfundur Írsk setter deildar HRFÍ var haldinn 21. mars 2024 í húsnæði HRFÍ í Hafnarfirði kl. 20.00

Dagskrá fundarins:

1. Kosning fundarstjóra og ritara
2. Skýrsla stjórnar
3. Stjórnarkjör – tvö sæti laus
4. Önnur mál

Formaður setti fundinn og bar fram tillögu að Margrét Kjartansdóttir yrði fundarstjóri og Auður Inga Einarsdóttir yrði ritari.  Var það samþykkt einróma.

Fundarstjóri byrjaði á því að kanna lögmæti fundarins og tilkynnti formaður að fundurinn hafi verið auglýstur á Facebook síðu deildarinnar, á deildarsíðunni og á síðu HRFÍ með meira en sjö daga fyrirvara.  Telst því fundurinn lögmætur.

Formaður lagði fram skýrslu stjórnar og var hún samþykkt einróma.

Í skýrslunni var farið yfir sýningarúrslit 2023, hverjir höfðu hlotið meistaratitla á árinu, stigahæsta hund og ræktanda deildarinnar, augnskoðanir, mjaðmamyndatökur og önnur mál s.s. stórhundadaga og fulltrúaráðsfund.

Tvö sæti voru laus í stjórn og áttu Margrét og Auður að ganga út stjórn.  Gáfu þær ekki kost á sér aftur en Sigríður Kjartansdóttir og Ingunn Alda Sævarsdóttir gáfu kost á sér og voru þær sjálfkjörnar þar sem ekki komu fleiri framboð.

Önnur mál voru rædd og m.a. rætt um deildarsýninguna sem verður 19. maí 2024 og er mikil ánægja að hafa deildarsýningu.

Einnig var rætt um hvort ætti að reyna að safna saman netföngum til að hægt sé að ná kannski betur til þeirra sem eru í deildinni en hingað til hafa deildarmeðlimir sýnt lítinn áhuga á nokkru starfi né skemmtunum innan deildarinnar.

Rætt var um St. Patricks dag þar sem mikið er um úti í heimi að Írsk setter eigiendur komi saman með hundana sína og gangi um miðbæinn og lagt var til að kanna áhuga deildarmeðlima um að reyna slíkt hér á Íslandi á næsta ári.

Að lokum þakkaði formaður fráfarandi stjórnarmönnum, Margréti og Auði fyrir þeirra starf í þágu deildarinnar og bauð jafnframt nýja stjórnarmenn, Sigríði og Ingunni velkomna í stjórn.

Ekki fleira var rætt á fundinum og honum slitið kl. 20:55.

Gaman væri að sjá sem flesta hunda skráða á deildarsýninguna.

Haldin var Norðurljósasýning HRFÍ helgina 2. – 3. mars og voru 11 hundar skráðir en tveir mættu ekki.  Sjö hundar fengu Excellent og tveir Very Good.

Úrslit:

BOB: Melahofs Karri með CK, CACIB og var í þriðja sæti í tegundarhópi 7

BOS: Eðal Prímadonna með CK, CC og CACIB

Eðal ræktun var með ræktunar hóp og fékk HP  ÆP
​
Dómari var Diane Stewart-Ritchie frá Írlandi

Ársfundur Írsk setter deildarinn verður haldinn 21. mars 2024 í húsnæði HRFÍ að Melabraut 17, kl. 20:00
 
Dagskrá:

1. Kosning fundastjóra og ritara
2. Árskýrsla stjórnar
3. Stjórnarkjör – tvö sæti eru laus
4. Önnur mál

Kosningarétt hafa þeir félagar deildarinnar sem eru skuldlausir við HRFÍ og eiga Írskan setter.
Hjón hafa bæði kosningarétt, hvort sem þau greiða félagsgjald HRFÍ sem hjónagjald eða í sitt hvoru lagi.
​

Helgina 25. – 26. nóvember 2023 var haldin Winter Wonderland og Norðurlandasýning og voru 13 Írskri setar skráðir.  Einn mætti ekki.  Níu fengu Excellent og þrír Very good,
 
BOB: Caemgen‘s Jump For Joy með NCAC og var í 2. sæti  í tegundahópi 7

BOS: Eðal Óskar með NCAC

BOB Junior: Glitnir Silvia drottning með ungliðameistarastig og varð besti ungliði í tegundahópi 7

Eðal ræktun var með ræktunarhóp fékk heiðursverðlaun

Dómari: David Connolly frá Írlandi